Энэ бол энгийн херпес вирусээр үүсгэгддэг халдварт өвчин юм./ЭХВ/ Өвчний  80%  нь ЭХВ-2,  20%  нь ЭХВ-1 хэв шинжээр үүсгэгддэг. ЭХВ-1 хэв шинж нь бидэнд элбэг тохиолддог уруулын  хомхой буюу энгийн херпесийг үүсгэдэг юм.

Халдвар дамжих зам

• Ихэвчлэн бэлгийн замаар дамжих халдварладаг/Ам, шулуун гэдэс, үтрээгээр бэлгийн  хавьтал  орох үед халдварладаг./
• Халдвартай жирэмсэн эмэгтэйгээс нярайд төрөх үед халдвар дамжина.

Илрэх шинж тэмдэг

• Шинж тэмдэг илрэхээс 1-2 хоногийн өмнө хэсэг газар загатнах, ирвэгнэх, өвдөх зовиур илэрнэ.
• Бэлэг эрхтэн түүний орчимд бага зэрэг улайж үрэвссэн арьс салстан дээр бүлэглдэж байрласан цэврүүнцэр гарна.
• Тэмтэрхэд хорсож, хөндүүр, өвчин эмзэглэлтэй байна.
• Цэврүүнцэр нь хэд хоногийн дараа хагарч, шалбархай, шархлаа үүснэ.

Хүндрэл үр дагавар

• Ихэвчлэн тохиолддог хүндрэл нь ууц нурууны мэдрэлийн үрэвсэл буюу радикулит юм.  Хүнд хэлбэрийн  хүндрэл бол  хүүхдийг үхэлд  хүргэж болох нярайн хомхой юм. Бэлгийн хомхойтой жирэмсэн  эхээс сүүлийн 3 сард урагт  халдах  магадлал  хамгийн өндөр байдаг.